رساله للقمر

في ليلة إشتقت إليكى ,, لمخاطبتكي ...لمناجاتكي ..لهمسك...وضحكك ...

بس مش موجوده .. وليس في الوجود أفضل من حب لكي بداخلي موجود

كلما نظرت إلى شئ أمامي ... وجدتكي أجمل وأجمل ,,,

نظرت الى الماء فوجدتكي أصفى وأنقى

نظرت الى الورد وجدتكي أحلى وأبهى

تذكرت الوفاء فوجدتكي من الوفاء أوفى

وفجــــــــــأة؟؟....

نظرت الى الأعلى.. فرأيت القمر يسير بكبرياء أمامة نجوم وخلفة نجوم..

.أعجبني جماله وأهديته سلام وبعد سلامي أبتسامة.....

وقلــــــــت

:كم أنت مغرور ياقمر ...

انت متعرفش انى معايا واحده اجمل منك ؟؟؟

انت مبصتش على الارض ؟؟؟

ألم تعلم أن فيها شخص أحلى مافي الوجود؟؟

معجبوش كلامى :D:D

ووقف فى وسط السما وقال " مين دا " ؟

قولت له ملاك فى الارض

قالى ساكن فييين ؟؟

فتحتلوا صدرى وقولتلوا ساكن هنا فى قلبى :)

وكلمه بحبك دايما على لسانه

تساقطت فوقى الامطار الغزيره ,, عرفت انها ليست امطار انها دموع القمر

نعم لقد ابكيت القمر

وقال لى فعلا كم انا شبيها له

قولت له فعلا انت شبيه له

ضياؤك مشابه لنوره

" لاجلك يا حبيبتى سيبكى القمر ويتفتح الزهر ويفنى العمر "

بـــحــــــــــبـــــك

حاسس بخوف

حاسس بخوف عمال بيبعد قلبى عنك

معرفش ليه مبقتش حاسس حاجه منك

وكتير بكون انسان غريب وانا جوا حضنك

الحب اللى خلاص مبقتش عارف احسه ولا عايزه ,,ممكن الواحد يوصل لدرجه انوا مش عايزوا وبقا خايف منوا ازاى ومحدش يقدر يعيش من غير حب ,, من غير قلب يحس بالحب ازاى قدر قلبى يوصل لدرجه الموت مع انى رافض انوا يوصل للموت بس تعب اوى اوى

فاكر زمان انا وانت كان احسسنا واحد

دلوقتى وانت معايا برضوا بعيد عليا

قلبى اللى زمان كان بيحس ولما يحس يعمل اى حاجه عشان اللى بيحس بيه

وصل لدرجه انوا لما يحس بالحب برضوا بيبقا بعيد عنوا خلاص مبقاش عارف يعنى ايه حب ويعنى ايه تحب وتتحب

اول مدوناتى يوم عيد ميلادى

بكتب اول مدوناتى فى اول ساعتين من يوم عيد ميلادى الخامس و العشرين طبعا الكل هيقول كل سنه وانت طيب يا ايمن " وانتوا طيبين يا حبيبى " طبعا فرحان جدا لعيد ميلادى الخامس و العشرين والله معرف ليه بس حاسس انوا مختلف يعنى كبرت بقا ولازم اعقل اصلى بعيد عنكوا لاسع وعندى نص ضارب او اكتر من نص ,,, 25 سنه عدوا عليا بسرعه اوى انا فاكر يوم متولد ده كان احلا يوم فى حياتى الكل فرحان وبيزغرطوا واللى يطلع فلوس من جيبوا وينقط و الكلام ده وانا زى الدهول لامؤخذه مش فاهم حاجه وعمال اعيط يعنى كلنا حياتنا بتبتدى بعياط ونكد اولها زى اخرها عشان كده انا بحزن كتير وبزعل اوى بس عارف ومتاكد انها كده ومش هتتغير بس لازم نفرح وندخل الفرحه جوانا زى مانا فرحان دلوقتى عشان 25 سنه فى حياتى وكل سنه وانا طيب,,عيد ميلادى للمره ال 25 يعدى عليا وانا حوليا صحابى واهلى والكل فرحان لفرحى بس من غير الشخص اللى يفرح من قلبوا ويبقى معايا وفى حضنى وفى قلبى وابقا بهديلوا كل حاجه وكل ما املك اعمل ايه بقا حظى كده بس انا حاطط امل كبير اوى فى ربنا فى عيد ملادى اللى جى اكييد هتبقا معايا ,,بس هيا فين ومين وازاى ,, حد يعرف ؟ قول عليا مجنون . قول عليا موهوم ,, ورااك انا والزمن طويل انا مش هسيبك مستحييل ,,
جالى بقا هشام عباس وقالى شيل ايدك من على خدك انا جمبك انا جى اخدك طيب ده وقتوا يا اتش ,, رديت انا عليه وقولتلوا زمان وانا صغير كنت بحلم ابقا كبير
فعلا كان نفسى اكبر وانا صغير ولما كنت بسمع الاغنيه دى بقول يارب نفسى اكبر ولما كبرت تعب القلب وقولت ياريتنى فضلت صغير زى زماان
زمان كنت بخاف من كل حاجه بخاف العب عجل زى قريبى وصحابى وبخاف من الكوره وبخاف من الخناقه وبخاف من البحر وكنت اعيط ولا اشوفوا سبحان الله انقلب حالى وبقيت زمالكاوى واكيد هصعب عليكوا لما تعرفوا انى زمالكاوى ومتعصب وممكن اضرب اى اهلاوى او اشجع اى فريق ضد الاهلى حتى لو كان عدونا اللى اخدت ارضنا ,, طبعا هتكرهونى عادى لان كل صحابى اهلاويه مفيش غير صحبى شريف وده صحبى من 8 سنين حبينا بعض وفضلنا مع بعض عشان نساند بعض ضد اى مشجع اهلاوى بيفهم او مش بيفهم فى الكوره اصلا مع انى اشك فى موضوع بيفهم دى " بس بقا وحبيت السباحه اوى و بقيت بتاع مشاكل وبرخم على خلق الله ,, سبحان مغير الاحوال
يلا حسن الختام بقا وعرفت حاجه من امير صحبى لازم نقتنع بيها
" عندما تولد يا ابن ادم يؤذن فى اذنك من غير صلاة وعندما تموت يصلى عليك من غير اذان وكأن حياتك فى الدنيا ليست سوى الوقت الذى تقضيه "

انا عملت بلوج